Manchester United ka arkëtuar pikët e plota në takimin kundër Evertonit, takim ky i vlefshëm për javën e 30-të në Premierligë.

Me nga një gol për secilën pjesë, “Djajtë e Kuq” triumfuan 2:0 ndaj Evertonit në stadiumin “Old Trafford”, shkruan lajmi.net.

Mesfushori McTominay zhbllokoi shifrat në të mirë të vendasve në minutën e 36-të.

Goditjen e dytë mysafirëve ua dha Martial me golin e minutës së 71-të.

Sulmuesi francez shënoi falë edhe një gabimi të mbrojtësit të Evertonit, Coleman.

Manchester United me këtë fitore shkon në kuotën e 56 pikëve në vendin e tretë.

Evertoni mbetet i 16-ti me 27 pikë dhe vazhdon të rrezikojë rënien nga elita e futbollit anglez./Lajmi.net/