Sulmuesi kosovar, Vedat Muriqi ka folur për golin e shënuar ndaj Real Madridit.

Muriqi po tregon formë të lartë këtë edicion në La Liga, transmeton lajmi.net.

Në 12 ndeshje sa ka zhvilluar me Mallorca ai ka shënuar tetë gola.

Duke qenë kështu vetëm golashënuesi i dytë më i mirë në ligën spanjolle, pas yllit të Barcelonës, Robert Lewandowski.

Në ato tetë gola sa ka shënuar deri më tani përfshihen nga një kundër kampionit në fuqi, Real Madridit, Atletico Madridit e Villarreal.

Në një intervistë për ‘Sports show’ në Klan Kosova, kosovari tha se ka qenë një ëndërr të ballafaqohej dhe t`i shënojë Realit.

“Mund të them se ishte një ndër ëndrrat e mija të ballafaqohem me Real Madridin dhe t`i shënosh ishte një emocion i lartë. Fatkeqësisht humbëm, por ja që është kualiteti i lartë në mes ekipeve”, tha Muriqi.

Kujtojmë që Muriqi arriti të shënojë golin hapës në humbjen e Mallorcas 4:1 nga Reali./Lajmi.net/