Marquinhos flet për tmerrin që kaloi PSG pas humbjes ndaj Real Madrid
Kapiteni i Paris Saint-Germain, Marquinhos ka dhënë disa komente lidhur me situatën brenda klubit, pas humbjes ndaj Real Madrid.
Sport
PSG eliminohej nga Champions League pasi përmbysej nga Real Madridi. Kjo humbje acaroi situatën në kampin parisien. Tifozët ishin kundër Messi e Neymar, por as të tjerë nuk kalonin më mirë. Për të gjitha këto foli Marquinhos.
“Ishte e vështirë të procesohej. Ne lojtarët, pas një ndeshjeje sikur ajo, më falni në shprehje, jemi të parët që jemi në m*t”, ka thënë Marquinhos, transmeton lajmi.net.
“Ishte ndeshje me rëndësi për ne. Ditën tjetër, për mua, edhe uji ishte i vështirë të gëlltitej”, shtoi braziliani.
PSG kishte si synim kryesor këtë sezon triumfin në Champions League, por në fund triumfin e gjeti vetëm në Ligue 1. /Lajmi.net/