‘Spotify’ dhe Barcelona kanë arritur marrëveshjen për sponsorizim dhe kjo marrëveshje i sjell katalanëve fitime të mëdha.

Madje, sipas presidentit të klubit, Joan Laporta, kjo është marrëveshja më e madhe ekonomike në histori të klubit katalan.

“Kjo marrëveshje tejkalon secilën marrëveshje që Barca ka pasur në historinë e saj”, ka thënë Laporta, transmeton lajmi.net.

Tutje, ai ka falënderuar delegatët e klubit për votat e tyre dhe ka thënë se Barca është e atyre, për sa kohë që ky është president.

“Për sa kohë që unë të jem president, ju gjithmonë do të jeni pronarët e Barcelonës”, iu tha Laporta delegatëve.

Barcelona është rikthyer në një formë të shkëlqyer pas ardhjes së Xavi Hernandez në krye të skuadrës. Katalanët vitin tjetër synojnë të garojnë për të gjithë trofetë. /Lajmi.net/