Trajneri Massimiliano Allegri theksoi në një konferencë për shtyp më herët gjatë ditës së sotme se portieri polak do të mungojë në ndeshjen e nesërme pasi nuk ka ende lejen jeshile ‘Green Pass’. Ish-portieri i Arsenalit mori vaksinën e tij të parë kohët e fundit, që do të thotë se ai nuk do të marrë një leje të gjelbër deri të enjten.

Rregullat e reja anti-COVID të prezantuara nga qeveria i ndalojnë lojtarët që nuk kanë një leje të gjelbër të kenë kontakte të drejtpërdrejta me shokët e tyre të skuadrës në orët para ndeshjes.

Ky është një problem i madh për Allegrin dhe Juventusin, pasi tani portieri rezervë Mattia Perin do të duhet të luajë për herë të parë në më shumë se një muaj kundër Interit.

Szczesny aktualisht po përjeton një periudhë forme të fortë, siç shihet me penalltinë e tij vendimtare në fitoren 4-3 ndaj Romës, dhe ndërsa Perin është një rezervist, ka një diferencë të qartë në cilësi mes tij dhe polakit.

Mbetet për t’u parë nëse mbrojtja e Juventusit do të jetë e suksesshme, përkundër se bardhezinjtë do të jenë në mbrojtje pa Leonardo Bonucci të lënduar dhe Matthijs de Ligt të pezulluar.