Këtë reagim emisari special e bëri pasi tha se u keqkuptua harta ku Kosova paraqitej si pjesë e Serbisë.

Pas kësaj, Lajçak ka shtuar edhe diçka më tepër në postimin e tij ku tenton të sqarohet lidhur me hartën.

Ai është shprehur se kjo jep një shembull pse dialogu për normalizimin e raporteve Kosovë – Serbi është i rëndësishëm, pra që çështje të tilla të mos shkaktojnë më keqkuptime.

“Dhe sot është një shembull pse Dialogu për normalizimin e marrëdhënieve ndërmjet Kosovës dhe Serbisë është kaq i rëndësishëm. Kështu që çështje të ngjashme nuk do të shkaktojnë më keqkuptime”, ka shkruar Lajçak në Twitter.

And today is an example why the Dialogue to normalize relations between Kosovo and Serbia is so important. So that similar issues will no longer cause misunderstandings.

— Miroslav Lajčák (@MiroslavLajcak) February 25, 2021

Ndërsa, në postimin ngjitur ai më herët tha se është keqkuptuar harta e cila është bërë lajm.

“Pasi harta në zyrën time është nxjerrë gjatë intervistës sime dhe është e paqartë, ka shkaktuar disa keqkuptime sot, unë po ndaj një foto të afërt të saj. Kjo është një hartë zyrtare e BE e Ballkanit Perëndimor. Kosova është atje dhe po ashtu është linja që ndan Kosovën nga Serbia”, theksoi Lajçak. /Lajmi.net/ 

Lajçak tenton të arsyetohet pak, publikon fotografi të hartës së Kosovës në zyrën e tij