Lajmi.net ka siguruar një dokument  për njoftimin  e dorëheqjes së ish-ministrit në detyrë, ku thuhet se Kuçi ka kërkuar gjatë ditës së djeshme nga kryeministrit lirimin e tij nga pozita e ministrit.

Lexo edhe:

Qeveria deklarohet për dorëheqjen e Blerim Kuçit

Në anën tjetër, kërkesën e tij për dorëheqje nga posti i ministrit në detyrë Kuçi e ka dorëzuar edhe në Zyrën e Kryeministrit.

Këtë e ka konfirmuar për lajmi.net, zëdhënësja e Qeverisë së Kosovës në detyrë, Antigona Baxhaku.

Ajo ka thënë se në letrën e dorëheqjes së tij Kuçi ka kërkuar të lirohet nga pozita për arsye personale.

“Ka mbërritur kërkesa në zyrën e kryeministrit për lirim nga detyra për arsye personale. Gjatë ditës kryeministri Hoti do ta shqyrtojë këtë kërkesë, nëse do ta pranojë apo  jo. Nëse e pranon këtë kërkesë atëherë do të bëhet publik edhe emri i personit që do ta zëvendësojë Kuçin”, ka thënë Baxhaku për lajmi.net.  /Lajmi.net/

/Lajmi.net/