Këngëtarja u quajt ‘e papërgjegjshme’ pasi fotot e treguan atë duke pozuar pranë fansave në një takim dhe përshëndetje për koleksionin e saj të ri me poezi, shkruan The Independent, transmeton lajmi.net.

Lana Del Rey ka marrë një reagim të ashpër pasi dolën fotot që e tregojnë atë me një maskë prej rrjete, gjatë takimit të papritur me fansa.

Imazhet nga ngjarja treguan këngëtaren, e cila po festonte botimin e albumit të përmbledhjes së saj të re me poezi – Violet Bent Backwards Over the Grass, duke marrë pjesë në një lexim dhe më pas duke bërë fotografi me fansat.

Ngjarja u zhvillua në Barnes & Noble në The Grove në Los Angeles të premten, 2 tetor.

Qarku i LA ka kërkuar që të gjithë të vendosin maska prej pëlhure ku janë afër njerëzve jashtë shtëpive të tyre, si në hapësirat private ashtu edhe në ato publike.

Kalifornia ka qenë një nga shtetet më të goditura në SHBA gjatë pandemisë së koronavirusit, me më shumë se 828,000 raste të konfirmuara dhe mbi 16,000 vdekje.

Fansat dhe kritikët në rrjete sociale, përforimin e një maske rrjetë nga Del Rey, e quajtën “të papërgjegjshme” dhe “një rrezik për veten dhe të tjerët”.

“Unë e dua Lanën, por kjo është tepër e papërgjegjshme”, shkroi një komentues.

“Vajza jemi në mes të një pandemie,” shkroi një fans në Instagram.

Lana Del Rey meets with fans at surprise book signing event for her collection of poetry, #VBBOTG, in LA. ? pic.twitter.com/t2H7hYAvhz

— Pop Crave (@PopCrave) October 3, 2020

Motra e Del Rey, Caroline “Chuck” Grant, iu përgjigj atyre që kritikonin këngëtaren duke pretenduar se ajo kishte “testuar negativ” dhe po qëndronte “më shumë se gjashtë metra larg”.

Sidoqoftë, imazhet treguan Del Rey, 35 vjeçe, që qëndronte drejtpërdrejt pranë fansave, ndërsa ajo pozonte për foto.

“Kjo është maska ​​më e çuditshme që kam parë ndonjëherë dhe natyrisht Lana Del Rey është duke e mbajtur atë”, shkroi një komentues. /Lajmi.net/