Apple, Disney dhe shumë prej firmave më të vlefshme dhe më të fuqishme në botë paralajmëruan presidentin se planet për të kufizuar përdorimin e aplikacionit kinez mund të dëmtojnë biznesin e tyre, raportoi Wall Street Journal, transmeton lajmi.net.

Në përgjithësi, shumë kompani ndërkombëtare morën pjesë në thirrjen me zyrtarë të Shtëpisë së Bardhë, përpara një urdhri ekzekutiv që hyn në fuqi deri në fund të muajit të ardhshëm.

Analistët e jashtëm kanë paralajmëruar se çdo ndalim i WeChat – i cili nuk është vetëm një nga aplikacionet më të fuqishëm të Kinës, por është thelbësor për mënyrën sesi shumë njerëz në vend përdorin telefonin e tyre, mund të ketë ndikim të konsiderueshëm në një sërë biznesesh.

Analisti i njohur i Apple, Ming-chi Kuo, për shembull, spekuloi se në rastin më të keq një ndalim i WeChat mund të shkaktojë një rënie prej 30 për qind të shitjeve në iPhone.

Por efekti i ndalimit mund të jetë shumë më i përhapur sesa thjesht kompanitë e teknologjisë që presin WeChat në platformat e tyre.

Si dhe duke funksionuar si një aplikacion për mesazhe, WeChat është gjithashtu një platformë ecommerce, dhe kështu çdo ndalim teorikisht mund të shkaktojë probleme të mëdha për çdo kompani amerikane që shet produkte në Kinë.

Urdhri ekzekutiv që shënjestroi WeChat tha që aplikacionet kineze paraqesin një kërcënim për “sigurinë kombëtare, politikën e jashtme dhe ekonominë e Shteteve të Bashkuara”. /Lajmi.net/