Ardhja e Jose Mourinho në krye të stolit të Tottenham duket se ka ndryshuar edhe synimet e skuadrës.

Londinezët tashmë po interesohen për lëvizje të mëdha në merkato, dhe një nga emrat në listën e dëshirave është edhe ai i Raphaël Varane.

Raportime të ‘Dailymail’ bëjnë të ditur se Spurs janë gati të ofrojnë rreth 73 milionë euro për lojtarin, transmeton lajmi.net.

Mourinho ishte njeriu që kërkonte Varane edhe tek Real Madrid, në vitin 2011.

Portugezi e admiron lojtarin, pasi ka tentuar që me të të nënshkruajë edhe tek Manchester United, por nuk ia arriti.

Tani ai dëshiron që fituesin e Kupës së Botës ta afrojë tek skuadra e Tottenham, ku ka nisur aventurën e re. /Lajmi.net/