Notari ndeshet me krokodilin (Video)

Një turist në Meksikë ishte hedhur në ujë për t’u freskuar, pa e ditur se aty jetonte një krokodil i madh rreth 3.5 metra. Një video e postuar në internet tregon tmerrin e notuesit i cili përpiqet të arrijë bregun, derisa krokodili e vështronte nga aty fare afër. 

Lajme

16/08/2014 00:29

Notari ishte me fat, pasi krokodili nuk tregoi shumë interes për ta sulmuar. Video tregon edhe një person tjetër i cili hedh në ujë një objekt me qëllimin për ta hutuar krokodilin, derisa notuesi me sa kishte fuqi për ngutej të arrinte bregun. 

Ngjarja u regjistrua nga dikush që po qëndronte në breg dhe u ngarkua në Facebook. 

Ai shpjegoi se bëhej fjalë për një turist i cili shkoi të notoi në ujë pa e ditur se aty jetonte një krokodil rreth 3.5 metra i gjatë, i cili ushqehet nga peshkatarët që shpesh ushtrojnë aktivitet aty. 

“Ai është një ekspert në vjedhjen e peshkut nga peshkatarët amatorë të cilët nuk arrijnë shpejtë ta tërheqin grepin e tyre”. 

Notuesi ndoshta shpëtoi sepse bisha tanimë ishte e “ushqyer mirë”. (lajmi.net)