Paul Pogba është njëri prej lojtarëve të rinj më të kërkuar në tregun veror. Ofertat për mesfushorin francez nuk mungojnë.

Sipas të së përditshmes franceze L’Équipe, Real Madrid e Manchester City janë dy ekipet që e kërkojnë më së shumti ish futbollistin e Manchester Unitedit.

Juventusi ndërkohë mund t’ia kërkojë Realit në shkëmbim mesfushorin argjentinas, Angel Di Maria, plus para për përfaqësuesin francez.

Ndërkaq, Citizens e shohin të riun francez si zëvendësues ideal të Yaya Toure, i cili mund të largohet nga Etihad Stadium gjatë verës.

Pogba ka kontratë me Juventusin deri në qershor të vitit 2016, por për momentin nuk e ka ndërmend të negociojë për vazhdimin e saj.