Raportohet se në rajonin e Mitrovicës është ndier një tërmet me intensitet ndërmjet 3.3 dhe 3.4 ballë të shkallës Rihter.

Sipas faqes CSEM në internet, që mbështetet në Institutin Sizmologjik të Serbisë, tërmeti është ndier në orën 9:16, në lokacionin 27 kilometra në veriperëndim të Prishtinës, pastaj 5 kilometra në veri të Vushtrrisë dhe 9 kilometra në lindje të Mitrovicës.

Raportohet se tërmeti nuk ka shkaktuar dëme materiale, por i ka shqetësuar banorët.

Kjo dridhje toke është ndier edhe në Prishtinë, Obiliq, Vushtrri e Podujevë.

Qendra Sizmologjike e Mesdheut tregon se tërmetet kanë ndodhur në orën 09:14 dhe 09:17 minuta të paradites së sotme.

Tërmeti i parë ka qenë 3.3 ballë të Rihterit, ndërsa i dyti 3.4 ballë.