Benatia nuk është në shitje
Mehdia Benatia nuk do të transferohet në Barcelonë. Trajneri i Romës, Rudi Garcia ka insistuar se klubi nga Olimpico nuk ka nevojë të shesë gjatë afatit kalimtar të verës.
Sport
Trajneri i Romës, Rudi Garcia ka theksuar se nuk do të lejojë largimin e qendërmbrojtësit Mehdi Benatia, gjatë afatit kalimtar të verës, pavarësisht spekulimeve të vazhdueshme rreth transferimit të tij në Barcelonë.
Benatia, 27-vjeç, iu bashkua Giallorossëve në verën e vitit të kaluar pas tri edicionesh në Udinese, por me paraqitjet e tij i ka ndihmuar Romës të përfundojë e dyta në tabelë.
Sipas Gazzetta dello Sport, menaxheri i futbollistit pritet të udhëtojë drejt Barcelonës për të negociuar transferimin e tij për një vlerë prej mes 30-35 milionë euro.
Por, Garcia ka thyer heshtjen duke përjashtuar mundësinë e largimit të Benatias.
“Vitin e kaluar ne shitëm 50 milionë euro vlerë të futbollistëve, këtë verë nuk jemi në një pozitë ku kemi nevojë të shesim”, deklaroi Garcia për Sport Mediaset.