ZYRTARE: FSHF cakton stadiumin për ndeshjen Shqipëri – Izrael (FOTO)
Federata e Futbollit të Shqipërisë (FSHF) ka caktuar stadiumin ku do të zhvillohet ndeshja mes Shqipërisë dhe Izraelit.
Sport
Ballafaqimi mes Shqipërisë dhe Izraelit do të zhvillohet në stadiumin “Loro Boriçi” në Shkodër.
Federata e Futbollit të Shqipërisë (FSHF) ka caktuar stadiumin ku do të zhvillohet ndeshja e ardhshme e ekipit kuqezi në eliminatoret për “Kampionatin botëror 2018”, përcjell “Lajmi.net”.
“Federata Shqiptare e Futbollit, njofton sportdashësit, median dhe gjithë opinionin, se ndeshja e 12 nëntorit mes Shqipërisë dhe Izraelit, për eliminatoret e Kampionatit Botëror të Futbollit “Rusi 2018”, do të luhet sipas parashikimit në stadiumin “Loro Boriçi”, të qytetit të Shkodrës”, thuhet në njoftimin e FSHF-së.
“Të gjitha lajmet për të kundërtën apo që ndeshja do të luhet në Elbasan, janë të pavërteta dhe pa asnjë konfirmim zyrtar apo deklaratë të dalë nga institucioni shqiptar i futbollit. FSHF, rikonfirmon se ndeshja do të luhet në stadiumin e Shkodrës dhe kjo gjë nuk është vënë asnjëherë në dyshim”, vazhdon njoftimi.