Zuckerberg: Facebook do të duhej të vërente më herët ndërhyrjen ruse në zgjedhjet amerikane – Lajmi.net
Zuckerberg: Facebook do të duhej të vërente më herët ndërhyrjen ruse në zgjedhjet amerikane
Autori: Lajmi.net FunRrjetet Sociale 11:27, 10 April 2018
Themeluesi i Facebookut, Mark Zuckeberg, do të deklarojë para Kongresit amerikan se kompania e tij do të duhej të vërente ndërhyrjen ruse në zgjedhjet presidenciale në Shtetet e Bashkuara, është bërë e ditur përmes një transkripti të dëshmisë së tij të prezantuar më 9 prill.

Ne kemi qenë shumë të ngadalshëm në procesin e të vënit re dhe në atë të përgjigjes sa i përket ndërhyrjes ruse dhe jemi duke punuar shumë për ta përmirësuar këtë gjë”, pritet të deklarojë ai në dëshminë e planifikuar për 11 prill, para Komitetit për Energji dhe Tregti.

Zuckerberg, 33 vjeçar, pritet të paraqitet edhe para disave komiteteve tjera më 10 prill.

Në dëshminë e tij thuhet se Facebook ka qenë i vetëdijshëm për kërcënimet e vazhdueshme kibernetike nga ana e Rusisë edhe para ndërhyrjes së supozuar në zgjedhjet presidenciale në ShBA më 2016.

Zuckerberg do të dëshmojë edhe rreth asaj se si rrjeti social është duke ndërtuar teknologji për të parandaluar ndërhyrjet e jashtme në zgjedhjet e ndonjë shteti si dhe është duke punuar në largimin e llogarive të rreme.

Fotolajm

Rozana Radi provokon nga pasqyra, shfaq gjoksin më shumë se ç’duhet
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO