Një çift nga Australia treguan për “Daily Mail” se rreth orës 01:45 të mëngjesit gjetën në shtrat, në shtëpinë e tyre në rrugën “Sackville” në Sidnej një irlandez 25-vjeçar.

Katie dhe Chris folën pas kësaj përvoje të hidhur e të tmerrshme. “Chris ishte nga njëra anë e shtratit, unë isha në mes dhe i huaji ndodhej në anën tjetër të krevatit. E ndjeva që dikush ishte pranë meje, pasi ndjeva ngrohtësi. Ai ishte në gjumë”, tha Katie.

Irlandezi u tmerrua dhe u përpoq të largohej, por u kap nga policia. Në momentin e ndalimit, ai filloi të shfaqte konvulsione dhe u dërgua në spital. Ai do të merret në pyetje pas ekzaminimeve mjekësore./shekulli