Tifozët e Milanit refuzojnë fanellën e Donnarummas – Lajmi.net
Tifozët e Milanit refuzojnë fanellën e Donnarummas
Autori: Lajmi.net Lajme futbolliSerie ASport 21:14, 14 May 2018
Një javë për t’u harruar për Gigio Donnarummën, me portierin që e gjen veten në mesin e një stuhie që lëkund pozitat e tij.

Pas gabimit të dyfishtë të mërkurën përballë Juventusit, në finalen e Kupës së Italisë, portieri 19-vjeçar nuk arriti dot të ruante të paprekur portën e tij edhe në takimin me Atalantën që barazoi në minutat shtesë.

Kjo ka sjellë një irritim të tifozërisë, të cilët u panë të prisnin fanellat e Bonuccit, Romagnolit dhe Abates, por refuzuan hapur atë të Donnarummës.

“Jo! Fanellën tendë nuk e duam”, u dëgjuan të reagonin tifozët e kuqezinjve.

Aspak e lehtë një situatë e tillë, aq më shumë për një të ri 19-vjeçar, pamja e të cilit pas këtij episodi, ngjasonte me atë të një gjiganti të plagosur. Gabimet ndodhin, ato janë njerëzore, por në rastin e Donnarummës ka diçka më shumë.

Janë në lojë ato 6 milionë euro të angazhimit, të cilat peshojnë shumë, edhe pse të merituara nga portieri. Pas çështjes financiare është edhe ajo e një menaxheri si Raiola. Mesa duket populli kuqezi nuk e ka të lehtë të ngjitë atë që është thyer. Me Gattuson që e mbron dhe Mirabellin që ka tentuar ta blindojë, e ardhmja e Donnarummës në Milano nuk ka qenë kurrë kaq e lëkundur.

Fotolajm

Rita, Dua dhe Era.
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play World Soccer Champion
  • Play Turbo Racing 3
  • Play Bow Master Japan
  • Play iStunt 2