Tifozët mendojnë se Real Madrid është favorit për ta fituar titullin e kampionit evropian më 24 maj në Lisbonë.

Së paku, ky është rezultati nga anketa e realizuar nga e përditshmja spanjolle Marca, në versionin online, ku morën pjesë më shumë se 50.000 votues.

Gjithnjë sipas statistikave, 60,3% e votuesve e preferuan ekipin ‘Los Blancos’, respektivisht më shumë se 32.000 përdorues, ndërsa 39,7% (më shumë se 21.000 votues) mendojnë se Atletico do të jetë ekipi që do ta ngrish lart trofeun në Lisbonë. 

Reali dhe Atletico do të përballen në finalen e Championsit, duke e shkruar historinë, pasi është hera e parë që dy ekipe të të njëjtit qytet luajnë në finale.