Të mëdhenjtë e Evropës pas Cuadrados
Juan Cuadrado është bërë objektiv i gjigantëve të futbollit evropian. Barcelona dhe Manchester United janë dy klubet më të interesuara për futbollistin kolumbian të Fiorentinës.
Sport
Gjigantët evropianë janë në garë për Juan Cuadradon. Futbollisti kolumbian ka impresionuar sezonet e fundit në Itali, ndërsa e konfirmoi formën e mirë edhe në Botërorin e Brazilit.
E përditshmja spanjolle ‘Sport’ shkruan se ‘Blaugrana’ do të përballen me një konkurrencë të fortë, pasi kanë të bëjnë me një gjigant tjetër siç është Manchester United.
Fiorentina, klubi i cili e mban kartonin e futbollistit, e vlerëson atë 42 milionë euro. Gjithnjë sipas kësaj të së përditshmeje, drejtori sportiv i Barcelonës, Zubizarreta është duke punuar për ta kryer këtë çështje para së premtes, duke shpresuar që ‘Djajtë e Kuq’ të mos e nisin një ofanzivë për futbollistin e krahut.
Gjithashtu, edhe Bayern Munichu ka shprehur interesim për futbollistin kualitativ kolumbian.