Paolo Tramezzani befason me skuadrën e re
Ish-ndihmësi i Gianni De Biasit në drejtimin e Kombëtares shqiptare, Paulo Tramezzani, është shumë afër arritjes së marrëveshjes me ekipin amerikan të Colorado Rapids.
Sport
Pas dy eksperiencave në Zvicër me Luganon dhe Sionin, Tramexani po mendon të provojë eksperiencën amerikane. Italiani u shkarkua nga ekipi i Sionit për shkak të rezultateve të dobëta.
Kështu raporton “Calciomercato.it” përpara disa minutash, dhe nëse tekniku zbarkon në Amerikë, ai do të ketë nën urdhërat e tij edhe lojtarin e Kombëtares tonë, Shkëlzen Gashi, që luan në këtë ekip.
Tramexani ka qenë mjaft i suksesshëm në karrierën si futbollist, ku ka luajtur me disa ekipe të njohura si Interi, Totenhemi, Atalanta, etj.