Stavileci: Më shumë ndotin ajrin veturat, sesa ‘Kosova e Re’
Ish-ministri i Zhvillimit Ekonomik, Blerand Stavileci, në emisionin InfoBox të RTV Dukagjinit, ka folur për çështjen e Termocentralit “Kosova e Re”
Lajme
Stavileci, që ka udhëhequr dikur me marrëveshjen për ndërtimin e këtij termocentrali, ka thënë se rritja e çmimit të energjisë elektrike, do të jetë e përballueshme për qytetarët.
Për ndotjen, ish-ministri tha se me teknologjinë e fundit, më shumë do të ndotin automjetet sesa vetë termocentrali që do të ndërtohet.“Kosova e Re” nuk e ndotët ambientin. Më shumë ndotje sjellin veturat që lëvizin nëpër rrugët e Kosovës”, ka thënë Stavileci.
Gjatë ditës së sotme është nënshkruar sot Marrëveshja Komerciale për ndërtimin e Termocentralin “Kosova e Re”, në mes të Qeverisë së Republikës së Kosovës dhe “Contour Global”.
Me këtë marrëveshje në Kosovë do të investohen mbi 1 miliard euro, gjë që paraqet investimin më të madh në historinë e re të Kosovës.
