Në një intervistë të dhënë për Telegrafin, mesfushori ka thënë se i ka shkuar mendja që ta vesh fanellën e Kosovës.

“Në momentin që u pranua Përfaqësuesja e Kosovës të jetë anëtare e UEFA-s dhe FIFA-s jam gëzuar shumë”.

“Normalisht më ka shkuar në mendje të luaj për Kosovën pasi gjysma e familjes time jeton atje, por tani kjo gjë ka mbaruar”.

“Jam në Përfaqësuesen e Maqedonisë dhe ndjehem mirë, pasi do të mundohem gjithmonë të jem shembull i mirë për t’i përfaqësuar sa më mirë shqiptarët që jetojnë në Maqedoni”, u shpreh super talenti shqiptar.