Odegaard, rrogën më të madhe se Reus
Përforcimi i ri i Real Madridit, Martin Odegaard ka rrogë më të lartë se ylli i Borussia Dortmundit, Marco Reus.
Sport
Real Madrid transferoi talentin norvegjez, Martin Odegaard nga klubi Stromsgodset.
Futbollisti u prezantua të enjten e më pas u publikua lajmi se 16-vjeçari në Santiago Bernabeu do të ketë pagë prej 80 mijë euro në javë.
E madhe, tepër, sidomos për një futbollist të ri ende në fillim të karrierës. Kurse, sa për krahasim ju sjellim një shembull që sa do që është i pabesueshëm aq edhe jo i këndshëm për yllin në fjalë.
Mesfushori ofanziv i Borussia Dortmundit, Marco Reus – objektiv i shumë klubeve të mëdha evropiane përfshirë Real Madridin – ka pagë më të vogël se Odegaard. Reus paguhet 75 mijë euro në javë.