“Moon Express”, një firmë private e themeluar në vitin 2010 nga miliarderi Naveen Jain, është kompania e vetme private që ka marrë lejen nga Administrata federale amerikane, për t’i lënë kufijtë e Tokës dhe për ta lëshuar një anije kozmike në sipërfaqe të Hënës, transmeton gazeta Kosova Sot.

Për ta arritur këtë, kompania do të bashkohet me “SpaceX”, kompaninë private hapësinore të themeluar nga sipërmarrësi Elon Musk, i cili po ashtu ka ambicie për dërgimin e njerëzve në hapësirë. Jain thotë se shkuarja në Mars mbetet qëllim, por shkuarja në Hënë do të jetë si një fazë paraprake, apo një stacion i sigurt.