Mosha kur njerëzit fillojnë të mërziten me punën – Lajmi.net
Mosha kur njerëzit fillojnë të mërziten me punën
Autori: Lajmi.net FunKuriozitete 21:55, 9 September 2017
Jean Prine isht 50 vjeç kur ajo nisi të punojë për një kompani tekonologjike pranë Cambridge si autore teknike, duke shkruar dokumentacionin e Softare. "U ndjeva me fat" - tha ajo.

Por Jean nuk ishte e lumtur. “Vendi i punës u bë gjithnjë e më i ftohtë dhe i ashpër”, – tha ajo. Ndihej e pavlerësuar dhe e padashur. Sipas një studimi me më shumë se 2,000 punonjës në Mbretërinë e Bashkuar, punonjësit më të vjetër janë më të palumtur në punën e tyre se sa kolegët e tyre në moshë të re – sondazh i kryer nga kompania e burimeve njerëzore Robert Half U.K.

Një në gjashtë punonjës britanikë më shumë se 35 vjeç ishin të palumtur me punën e tyre – më shumë se dyshi i atyre nën moshën 35 vjeç.

Rreth një e treta e njerëzve më shumë se 55 vjeç thanë se ata nuk ndiheshin të vlerësuar, ndërkohë që 16 për qind thanë se ata nuk kishin miq në punë. “Është presioni për të qenë gjithnjë në një nivel të lartë –ose zhgënjimi se mos nuk ia dilni dot mbanë të ngjisni shkallët e karrierës”. Pagat janë më të larta, por jeta nis e bëhet gjithnjë e më e kushtueshme. “Ekuilibri mes punës dhe jetës private merr kuptimin që ju të kujdeseni për fëmijët, se sa vetëm menaxhimi i stresit personal”. “Ka një moment në të cilin ose nuk e keni arritur suksesin, ose përvoja e jetuar ju thotë që familja është më e rëndësishme”, tha Cary Cooper, një kërkuese në Manchester Business School.

Dhe ju pyesni veten: P s e p o e b ëj k ë t ë gj ë ? J o h a n n a B o d n y k p u n oi për gjashtë vjet si koordinatore e kulturës dhe komunikimit në Qendrën për Studime të Lindjes së Mesme në Universitetin e Harvardit. Në një pikë të caktuar, miqtë e saj ishin pothuaj të gjithë të martuar dhe kuptoi se marrëdhënia e saj nuk kishte të ardhme. Kjo e bëri të vlerësojë shumë gjëra në jetën e saj – duke përfshirë edhe punën.

Pas dy vjetësh, në moshën 34-vjeçare, ajo ndryshoi karrierë. “Të 30-at janë një moment kur ju merrni një pauzë dhe më pas bëni një ndryshim – si në anën personale edhe në atë profesionale”. Në një sondazh të City & Guilds Group, një organizatë për zhvillimin e aftësive, një e pesta e punonjësve të vjetër britanikë mendojnë se punëmarrësit nuk e vlerësojnë personelin e të gjithë moshave në të njëjtën mënyrë.

Sipas Capita Resourcing, një e treta e punonjësve më shumë se 55 vjeç ndihen të lënë pas dore për shkak të punonjësve të rinj. Po ashtu të rinjtë mund të kenë pritshmëri më të ulëta, shpresa më të mëdha dhe të mos ndihen të ezauruar. Bodnyk ishte e kënaqur vetëm që të kishte një punë kur ajo nisi karrierën e saj. “Pas pak kohësh, kur gjërat nisin të stabilizohen, ju hidhni sytë rreth e qark dhe pyesni veten nëse jeni të lumtur në këtë gjë”, – tha ajo. Ka një mënyrë për të luftuar mërzinë – tha Cooper – por duhen përpjekje të mëdha. Të bësh miq në vendin e punës mund ta përmirësojë situatën. /Lajmi.net/

Fjalët kyçe: mosha, Puna

Fotolajm

‘’Në makinë, ka njerëz që nuk do të takohen kurrë më!’’
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Pro Kicker Frenzy
  • Play Bike Rivals
  • Play Urban Basketball
  • Play Supercar Showdown