Makinat autonome do të jenë të zakonshme deri në vitin 2025 dhe pritet një monopol i tyre deri më 2030. Ndryshimi gjithëpërfshirës që ato do të sjellin do të bëjë që të errësohet çdo shpikje tjetër që njerëzit e kanë përjetuar.

Ato do të shkaktojnë humbje të paparë të vendeve të punës dhe do të bëjnë një ristrukturim thelbësor në ekonominë e çdo vendi, transmeton Lajmi.net.

Tranzicioni tashmë ka filluar të ndodhë. Elon Musk, CEO i Tesla Motor, thotë se modelet e vitit 2015 do të jenë në gjendje që të voziten vetë për 90% të kohës.

Dhe shumë prodhues të tjerë të veturave nuk mbesin shumë larg, Cadillac është duke planifikuar një teknologji të ardhshme e cila e merr kontrollin e drejtimit të veturës, përshpejtimit dhe frenimit, transmeton Lajmi.net.

Që të dy, Google dhe Tesla, parashikojnë se veturat autonome do të jenë në dispozicion për publikun deri në vitin 2020.

Ana e mirë e këtyre veturave është se do të reduktonin deri në 90% aksidentet me veturë, dhe do të shpëtonin rreth 30,000 jetë dhe do të parandalonin 2.12 milionë lëndime, respektivisht.

Trafiku nuk do të jetë gjithmonë i zënë, duke u shpëtuar kështu njerëzve 38 orë në vit. Për më tepër, këto vetura nuk do të lëvizin me lëndë djegëse, por me energji elektrike, që do të ndikonte edhe në kompanitë e ndryshme.