Ish anëtari i Interit është afër arritjes së marrëveshjes me skuadrën nga elita e futbollit brazilian, Avai.

Maicon është pa skuadër që pas largimit në qershorin e vitit të kaluar nga Roma, ndërsa spekulohej për një kalim të tij në Shtetet e Bashkuara të Amerikës.

35 vjeçari që në Evropë ka qenë pjesë edhe e Monacos dhe Manchester Cityt, në rrjetet sociale ka përshëndetur tifozët e skuadrës braziliane Avai, para zyrtarizimit të marrëveshjes.

Mediet në Brazil raportojnë se gjatë pasdites së sotme, do të ketë takime mes drejtuesve të Avai dhe Maicon, për të finalizuar marrëveshjen.

Arritja më e madhe në karrierën e Maicon, është trofeu i Ligës së Kampionëve me Interin./Lajmi.net/