Klubi spanjoll ofron 500 mijë euro për Kamer Qakën, kjo është këshilla e Panuccit
Për Qakën, flitet se janë ofruar 500.000 euro.
Sport
Kamer Qaka, duket se do të jetë i sakrifikuari nga radhët e CSM Iasi në Rumani. Për shkak të problemeve financiare, Qaka mund të shitet, dhe interes ka shfaqur Steaua e Bukureshtit.
Por, nga ana tjetër, drejtuesit kanë pranuar se në radhët e tyre ka ardhur edhe një ofertë nga Gimnastik, klub i Segunda Division në Spanjë.
Për Qakën, flitet se janë ofruar 500.000 euro.
Siç raportojnë mediat rumune, është pikërisht Christian Panucci, trajneri i Shqipërisë, që e ka këshilluar që të qëndrojë deri në fund të sezonit tek CSM Iasi, dhe më pas të zgjedhë Spanjën si destinacionin e ardhshëm.