Inter dështon ta gjejë fitoren në përballjen kundër Sassuolos
Inter ka zhgënjyer duke mos arritur më shumë se një barazim në xhiron e 20-të të Serie A.
Sport
Skuadra nga Milano luajtu baras (0:0) në ndeshjen kundër Sassuolos, në shtëpinë e vet, shkruan lajmi.net.
Pjesa e parë tregoi nga një rast të mirë shënimi për të dy skuadrat, por asnjëra nuk arriti ta zhbllokojë rezultatin.
Për skuadrën e Inter, ishte Mauro Icardi ai i cili lëshoi një goditje të rrezikshme me kokë, por topi shkoi pak mbi portën e Sassuolos.
Në anën tjetër, mysafirët rrezikuan me anë të Berrardit, i cili goditi me të majtën, por ishte i pasaktë.
Ky barazim sigurisht se nuk i konvenoi Interit, pasi tani i jep mundësinë skuadrës së Napolit që të shkëputet me shtatë pikë, në rast se ata shënojnë fitore në këtë xhiro. /Lajmi.net/