Qendërmbrojtësi Mats Hummels ka marrë leje nga Borussia Dortmund të zhvillojë negociata me Barcelonën rreth transferimit të tij në Nou Camp, në fund të këtij sezoni, ka njoftuar e përditshmja gjermane Bild.

24-vjeçari ka kontratë me Dortmundin deri më 2017 mirëpo tashmë një kohë të gjatë spekulohet me largim nga klubi gjerman.

Barcelona e kërkoi reprezentuesin gjerman edhe gjatë afatit kalimtar të verës por nuk ishte në gjendje të paguajë 35 milionë eurot e caktuara sipas dëmshpërblimit në kontratën e Hummelsit me Dortmundin.

Megjithatë, klubi nga Bundesliga thuhet se i ka dhënë leje futbollistit të nis bisedimet me Barcelonën, pasi ka identifikuar pasardhësin e tij, Fabian Schar nga Basel.