HTC, njëri nga krijuesit më të mëdhenjë të celularëve të mençur, është duke punuar në një version plastik të modelit të tij të fundit One M8.

Kompania tajvaneze e teknologjisë pritet të nisë prodhimin e celularit të përfolur diku muajin e ardhshëm, në përpjekje për të konkurruar kundër prodhuesit global të celularëve Samsung.

Versioni plastik i HTC One M8 do të ndihmojë krijuesit e telefonit që të reduktojnë shpenzimet të cilat nuk mund t’i përballojnë me modelin e kushtueshëm metalik të M8.

Bazuar në këtë, HTC do të përfshijë një procesor 2.3GHz Snapdragon 801 Quad Core në celularë, 2GB RAM të hapsirës interne, ekran 5-inç HD dhe kamerë të pasme 16-megapiksell me blic të dyfishtë.

Çmimi fillestar për versionin plastik One M8 është tërheqës, një rënie e konsiderueshme, pothuajse $400, në disa rajone. Sipas raportit, HTC do të shesë versionin e tij plastik për $483, shumë më lirë se versioni metalik i cili kushton $853.