Ne do të përballemi me një ‘kryengritje’ të robotëve për shkak të inteligjencës artificiale e cila do të jetë në gjendje që ta kalojë atë njerëzore në shekullin e ardhshëm.

Kjo thuhet sipas profesorit Stephen Hawking, i cili pretendon se në vend se të shqetësohemi se kush po e kontrollon inteligjencën artificiale, duhet të shqetësohemi se a mund të kontrollohet inteligjenca artificiale në tërësi.

Këto komente të tij ishin bërë sot në konferencën ‘Zeitgeist 2015’ në Londër, të ndjekura nga një paralajmërim i mëparshëm se inteligjenca artificiale do të shënojë fundin e njerëzimit, transmeton Lajmi.net.

“Kompjuterët do të tejkalojnë inteligjencën e njerëzve brenda 100 viteve të ardhshme”, tha ai.

“Kur të ndodhë kjo, ne do duhet të sigurohemi që kompjuterët kanë qëllime të njëjta me ne. E ardhmja jonë është një garë në mes të fuqisë në rritje të teknologjisë dhe diturisë të cilën e përdorim sot”, shtoi ai.