Gjyqtarët nga Kosova do të ndajnë drejtësinë në dy ndeshje në San Marino
Në kuadër të marrëveshjes për shkëmbimin e gjyqtarëve me San Marinon, katër referë kosovarë tashmë ndodhen në këtë shtet për t’i gjykuar dy ndeshje të fundjavës.
Sport
Kryesorët, Leutrim Mustafa e Alban Shala bashkë me asistentët Fatmir Sekiraqa e Edmond Zeqirin do të referojnë të shtunën dhe të dielën.
Shala do të jetë kryesor në sfidën Virtus – Juvenes që luhet nesër, kurse Mustafa drejton derbin e së dielës me dy ekipet e para, Tre Penne – La Fiorita, raporton Gazetasheshi.com.
Asistentët janë të njëjtit në të dy ndeshjet.
Me ekspeditën kosovare ndodhet edhe kontrollori, Feriz Parllaku që do t’i vëzhgojë të dielën gjyqtarwt nga San Marino.
Ndeshjet luhen prej orës 15:00.
