Gjykata vendos për njeriun që pranonte gjykim veç me ligje të Allahut
Gjykata në Prishtinë shpalli sot vendimin e saj për të akuzuarin për terrorizëm Artan Kadriu.
Lajme
Trupi gjykues në krye me gjyqtaren Valbona Selimi shpallën aktgjykimin me të cilin Artan Kadriun e liruan kundrejt akuzave të cilat i viheshin në barrë nga prokuroria.
Sipas kryetares së trupit gjykues, me asnjë provë nuk është arritur të vërtetohet se i akuzuari e ka kryer veprën penale për të cilën akuzohej.
Andaj në mungesë provash është nxjerrë aktgjykim lirues.
Prokuroria pretendonte se Kadriu ka kryer veprën penale bashkimi apo pjesëmarrja në ushtrinë apo policinë e huaj.
Në seancën e kaluar Kadriu ishte deklaruar i pafajshëm, ndërsa kishte thënë se pranon gjykimin veç me ligje të Allahut.
Sipas aktakuzës, Artan Kadriu në mars të vitit 2016 u është bashkuar grupeve- formacioneve të jashtme paraushtarake të përfshira në luftën e Sirisë dhe në momentin kur nga shteti i Sirisë ishte duke u kthyer- hyrë në territorin e Turqisë është ndaluar nga autoritetet turke së bashku me disa persona të tjerë.