Ryan Giggs ka folur për herë të parë si menaxher i Manchester Unitedit. Uellsianit iu besua pozita e trajnerit të përkohshëm, deri në përfundim të sezonit, pas shkarkimit të David Moyesit.

Kështu, futbollisti i deritashëm i ‘Djajve të Kuq’, do ta drejtojë skuadrën nga Old Traffordi së paku këtë dy muaj.

“Kur më është kërkuar që ta drejtoj skuadrën deri në fund të sezonit, nuk kam hezituar aspak dhe kam thënë menjëherë PO”, deklaroi fillimisht legjenda e Unitedit.

“Jam i nderuar dhe i lumtur për këtë mundësi. Jam edhe nervoz dhe mezi pres që të arrijë ndeshja e së shtunës kundër Norwichit”.

“Lojtarëve ju kam thënë se duhet vetëm të kenë besim në vete, sepse e di se çka janë të aftë të bëjnë”, përfundoi Giggs.