Ai ka ngacmuar njërin prej pjesëtarëve të “Gardës së Mbretëreshës” që ishte pranë kështjellës Windsor, por reagimi që ka bërë ushtari ka tmerruar të riun.

I filmuar nga miqtë e tij, aziatiku imitonte veprimet e ushtarit, ndërsa në një moment i vë dorën në shpatulla. Pikërisht këtu, ushtari i drejton armën të riut dhe i bërtet: “Qëndro larg nga Garda e Mbretëreshës”.

Nga frika, i riu vrapon, ndërsa shokët që po e filmonin shpërthejnë në të qeshura. Ka shumë raste, kur turistët e ekzagjerojnë me sjelljet e tyre ndaj këtyre ushtarëve, që në disa raste marrin edhe kundërpërgjigje .

Javë më parë, një tjetër çift turistësh në Britani kishin zënë rrugën ku do të parakalonte “Garda e Mbretëreshës”, ndërsa njëri prej ushtarëve i shtynë, duke i larguar nga rruga.