Çdo tre vjet, zhvillohet një ritual i çuditshëm që daton qindra vite më parë, ku banorët e këtij ishulli nderojnë të afërmit e tyre të vdekur, të cilëve ua pastrojnë trupat dhe i veshin me rrobat e tyre të preferuara, transmeton lajmi.net.

Për shumë kënd kjo skenë mund të duket si në filmat apokaliptik me zombi, por për banorët e Torajan, fis autokton në rajonin malor të Tana Toraja, festivali Ma’nene është një festë e jetës.

Festivali Ma’nene ka filluar të festohet në fshatin Baruppi më shumë se një shekull më parë, kurse fotografi Agung Paramesëara i cili ishte prezent në festivalin e sivjetmë, ka sjellë fotografi interesante nga kjo ngjarje.

Banorët e Torajan i kanë treguar atij një histori interesanti të një gjuetari kafshësh të quajtur Pong Rumasek, i cili gjatë gjuetisë në male kishte gjetur një kufomë të braktisur të kalbur nën një pemë.

Rumasek kishte veshur kufomën me rrobat e tij dhe i kishte bërë varrimin e duhur, dhe prej atëherë besohet se ishte bekuar me pasuri për gjestin e bërë. Kjo praktikë është adoptuar nga banorët e Toraja, të cilët besojnë së shpirtrat do ti shpërblejnë nëse kujdesen për të vdekurit. (lajmi.net)