Thibaut Courtois është njëri prej portierëve më stabilë në botë për momentin. Portieri belg është i huazuar nga Chelsea në Atletico Madrid në sezonet e fundit, duke shfaqur paraqitje impresionuese me ‘Los Colchoneros’.

Sipas të përditshmes spanjolle Cadena SER, Courtois do ta mbyll këtë sezon në Atletico Madrid, për t’u rikthyer gjatë verës në Chelsea, e cila e mban kartonin e tij.

Ai mund të qëndrojë në klubin londinez një sezon, deri në përfundimin e kontratës së tij, më 2015, për t’i bërë më pas valixhet gati dhe për t’u larguar përfundimisht nga Stamford Bridge.

Gjithnjë sipas kësaj të përditshmeje, Courtois do të jetë i lirë për të nënshkruar me Real Madridin, pasi thuhet se marrëveshja është arritur qysh tash.

Belgu i sigurt në portë shihet si zëvendësues ideal i Iker Casillasit, i cili pas dy sezonesh mund të largohet nga Santiago Bernabeu, me destinacion të mundshëm Shtetet e Bashkuara të Amerikës.