Cech i pakënaqur
Jose Mourinho ka bërë të ditur se portieri Petr Cech është i pakënaqur që ka humbur statusin e titullarit në Chelsea nga i rikthyeri në klub, Thibaut Courtois.
Sport
Jose Mourinho ka bërë të ditur se portieri Petr Cech është i pakënaqur që e ka humbur statusin e titullarit në Chelsea.
Deri vonë titullari në portën e Blues ka përfunduar në bankën e rezervistëve pas rikthimit në klub të më të riut, Thibaut Courtois. Belgu shkëlqeu gjatë periudhës së huazimit në Atletico Madrid dhe ishte një prej më meritorëve në suksesin e skuadrës në La Ligë.
Në xhiron e parë të Premierligës në Burnley, Courtois ishte titullar, kurse Cech në bankinë.
“Cech është profesionist i madh, punon si gjithmonë, është anëtar i qmueshëm i ekipit. Por, nuk besoj se është i kënaqur, njësoj sikurse të gjithë futbollistët e tjerë që janë në bankinë”, u shpreh Mourinho.
“Kemi shumë ndeshje në program, sigurisht se nuk mund të luajnë të gjithë por sjellja e Cech deri më tani ka qenë e shkëlqyeshme”, u shpreh ai.