Barcelona dhe Juventus kryesojnë renditjen e skuadrave me përqindjen më të lartë të posedimit të topit, nga 72.

Gjiganti katalan mposhti Elchen dhe Villarrealin në dy xhirot e para të La Ligës dhe si zakonisht e bëri duke dominuar kundërshtarit me posedimin e topit në fitoret me rezultat 3:0 përkatësisht 1:0.

Kurse, edhe Juventus ka dominuar në aspektin e posedimit të topit edhe pse në Serie A është zhvilluar vetëm një xhiro e edicionit të ri. Bianconerët fituan në udhëtim te Chievo me rezultat minimal 1:0, por dominuan me posedimin e topit, në 72 për qind.

Pas Barcelonës dhe Juventusit renditet kampioni i Ligue 1, Paris Saint-Germain me 69 për qind, pas katër ndeshjeve. Arsenal dhe Bayern Munich i kompletojnë pesë pozitat e para.

Gjiganti londinez pas tri xhirove në Premierligë ka pasur 66 për qind të posedimit të topit, kurse kampioni i Bundesligës e mbajti topin 62 për qind në dy xhirot e para të Bundesligës.