A janë Njësitë Speciale për Vulinin? Policia tregon çfarë po ndodh
Zëvendëskomandanti i Policisë për rajonin e Veriut, Besim Hoti, ka thënë se situata është e qetë së paku deri më tani, derisa serbët po mblidhen për festën religjioze ortodokse të Vidovdanit, e cila festohet çdo 28 qershor.
Lajme
Siç thotë ai, forcat e shtuara të Sigurisë janë për përcjelljen e automjeteve që vinë nga Beogradi, duke mohuar atë se kjo po bëhet për Vulinin.
‘Vulin nuk vjen se i është refuzu kërkesa, ndërsa forcat e shtuara të Policisë, janë për përcjelljen e automjeteve që kanë ardhur nga Serbia, për festën e Vidovdanit në Graçanicë dhe Gazimestan,’ tha Hoti.
‘I kemi së paku tri vizita të cilat janë të lejume prej Qeverisë, ato do i përcjellim’ , shtoi Hoti.
Ndërkohë, nëse Vulin veç tenton të hyjë, Hoti thotë se do e ndalojnë pasi është vendim i Qeverisë dhe do të zbatohet.
Lajmin për ndalimin e hyrjes së ministrit serb e ka konfirmuar dje edhe ministri i Punëve të Jashtme, Behgjet Pacolli.
Lexoni edhe:
Ministria e Jashtme paralajmëron arrestimin e Vulinit nëse hyn në Kosovë