Vanda Nara është ndër menaxherët më të njohura në botën e futbollit, por ajo nuk është e vetmja.

Ka edhe raste të tjera kur femrat kanë marrë në dorë karrierën e dikujt që ka lidhje më futbollin, shkruan Panorama-Sport.

Ja disa ndër rastet më të famshme:

1. Vanda Nara mori në dorë karrierën e burrit të saj dhe ketë verë mbylli me sukses rinovimin e tij me Interin. Ajo ka krijuar gjithashtu edhe kompaninë e saj të menaxhimit të futbollistëve.

2. Dinorah Santana, ish-bashkëshortja e Dani Alves, ka qenë agjentja e tij gjatë kohës që ata ishin të martuar, por ata vendosën që ajo të qëndronte e tille edhe pas ndarjes së tyre.

3. Ish-bashkëshortja e Dani Guiza, Nuria Bermudez, e cila arriti të mbyllte me sukses marrëveshjen me Fenerbaçen në vitin 2008. Ndryshe nga ish-gruaja e Alvesit, ajo nuk vazhdoi të ishte agjentja e tij pas ndarjes nga Guiza.

4. E motra e Simeones, Natalia Simeone, po menaxhon karrierën e trajnerit të Atletiko Madrid-it.

5. Klaudia Vilafane, ish-bashkëshortja e Maradonës, ishte ndër femrat e para që u angazhua me menaxhimin e karrierës së futbollistëve.