10 mijë kartëmonedha të Bitcoin së shpejti në treg – Lajmi.net
10 mijë kartëmonedha të Bitcoin së shpejti në treg
Autori: Lajmi.net Auto & TekKriptovalutat 14:14, 5 May 2018
Ditën e Enjte Singapori u bë vendi i parë në botë i cili hedh në qarkullim një kartëmonedhë bitcoin.

 

Prodhuesi i kartëmonedhave digjitale Tangem njoftoi lansimin e kartëmonedhës bitcoin.

Me zyra qendrore në kriptoluginën Zug në Zvicër dhe Hong Kong, Tangem gjithashtu është prezent në Singapor, Kinë dhe Rusi.

Kompania thotë se do të hedhë në qarkullim 10,000 kartëmonedha të tilla për partnerët dhe distributorët në mbarë botën.

Tangem shpjegon se kartëmonedhat inteligjente bitcoin janë po aq të mbrojtura dhe të sigurta sa një kartëmonedhë normale.

Kompania reklamon thjeshtësinë e përdorimit me një të prekur të kartëmonedhës me një telefon me NFC.

Transferimi i pronësisë së kartëmonedhave është një proces anonim dhe i menjëhershëm.

Konkurrenti Opendime prej kohësh ka ofruar një produkt fizik që i shërben një qëllimi të njëjti por i cili kishte formën e një USB-je.

Hardueri i Tangem është i bazuar në çipin S3D350A të Samsung. Sipas kompanisë ky është produkti i parë për tregun i cili përmbush standardet e sigurisë EMVCo dhe EAL6+.

Si çdo produkt tjetër në botën e kriptomonedhave, fitimi i besueshmërisë së përdoruesve janë auditet e sigurisë dhe publikimi i kodit burimor.

Aktualisht Tangem ka publikuar kodin e aplikacioneve iOS dhe Android në GitHub.

Fotolajm

“Kulturë boksi” përpara Ministrisë së Kulturës në Prishtinë /FOTO
Foto, aparati për matjen e fuqisë së goditjes përpara Ministrisë së Kulturës në Prishtinë /lajmi.net ?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Bow Master
  • Play 8 Ball Pool
  • Play Berry Rush
  • Play Bike Rivals