Skuadra e Wolfsburg ka njoftuar për arritjen e marrëveshjes me trajnerin kroat, Niko Kovac, përcjell lajmi.net.

50 vjeçari ka firmosur një kontratë të vlefshme deri në vitin 2025, me skuadrën gjermane.

Kroati ka përvojë të madhe në kampionatin gjerman, ku ka drejtuar skuadrën e Eintracht Frankfurt dhe atë të Bayern Munich.

Kovac shkoi në finale të Kupës së Gjermanisë me Eintracht Frankfurt dhe fitoi Bundesliga dhe Kupën e Gjermanisë me skuadrën e Bayern.

Aventura e tij e fundit ishte te Monaco, kurse tani do të kthehet në Bundesliga te Wolfsburg. /Lajmi.net/