Javi Garcia është larguar nga posti i trajnerit të skuadrës së Leeds United pas 12 ndeshjeve në krye të ekipit.

Pozitën e kryetrajnerit te Leeds United e ka marrë menjëherë Sam Allardyce, shkruan lajmi.net.

Lajmi është bërë i ditur nga klubi i Premierligës me anë të një komunikate të lëshuar në uebfaqen zyrtare.

“Leeds United mund të konfirmojë se Javi Gracia do të largohet nga klubi pas 12 ndeshjeve në krye. Nga klubi do të largohen edhe Zigor Aranalde, Mikel Antia dhe Juan Solla, të cilët iu bashkuan Gracias” – thuhet në komunikatën e klubit.

? #LUFC can confirm Javi Gracia will leave the club, with our remaining four games overseen by experienced head coach Sam Allardyce. We thank Javi and his team for their efforts under difficult circumstances.

— Leeds United (@LUFC) May 3, 2023

Allardyce ka menaxhuar mbi 500 ndeshje në Premierligë në një karrierë menaxheriale që zgjat 29 vjet dhe ai ka përvojë në luftën për mbijetesë, pasi ka udhëhequr një numër të klubeve të tij të mëparshme që kanë synuar mbetjen në elitë.

Ndeshja e tij e parë në krye të “Bardhezinjve” do të jetë udhëtimi i së shtunës në Premierligë kundër Manchester City./Lajmi.net/