Anësori brazilian ka nënshkruar zyrtarisht një kontratë të re që zgjat deri në vitin 2023, duke shtuar një vit më shumë nga marrëveshjen e tij të mëparshme që skadonte në 2022.

Neres shpërtheu me Ajax në Ligën e Kampionëve, pasi klubi holandez eliminoi Real Madrid dhe Juventus para se të humbiste nga Tottenham në raundin gjysmëfinal, përcjell lajmi.net.

Sulmuesi 22-vjeçar bëri 15 paraqitje në  Ligën e Kampionëve, duke shënuar gola kundër Real Madridit dhe Juves në raundet e eliminimit direkt.

Neres fillimisht u transferua në Ajax nga Sao Paulo gjatë merkatos së dimrit 2017, duke bërë debutimin e tij për klubin në shkurt.

Ai ka vazhduar të bëjë gjithsej 101 paraqitje për klubin, duke shënuar 29 gola gjatë kohës së tij në Amsterdam. /Lajmi.net/