Xavi Hernandez ishte i lumtur pasi fitoi titullin e tij të nëntë në ligë si lojtar i Barçës dhe i pari si trajner.

Barcelona mbrëmë fitoi La Ligën, pasi mposhti 4:2 skuadrën e Espanyol.

Ai rikthye lavdinë e katalanasve për të fituar kështu trofeun e tyre të 27-të të ligës spanjolle.

Pas ndeshjes trajneri i ‘Blaugrana’ tha që nuk është titulli i tij, por i gjithë klubit.

“Nuk është Liga e Xavit, është Liga e Barçës , nga një ekip që po rritet, një Epoka e re po fillon dhe lojtarët kanë qenë jetik, unë jam këtu vetëm për t’i udhëhequr ata. Dhe gjithashtu falë punës së presidentit dhe klubit, të cilët bënë një përpjekje të madhe, dhe të Mateu dhe Jordi, të cilët kanë bërë gjithashtu një punë të madhe”.

Pavarësisht avantazhit të madh ndaj Real Madridit, ai siguroi se “deri më sot në pjesën e mesme nuk e kam parë veten kampion, për sa kohë që nuk ka pasur shpërqendrime pas pushimit”.

Pas përfundimit të ndeshjes tifozët vendas u futën në fushë dhe vrapuan të sulmojnë lojtarët e Barcelonës.

I pyetur në lidhje me këtë incidentet, Xavi theksoi:  “Nuk kemi qenë në shtëpi, duhet të kesh respekt, por është normale të festosh Ligën pas dhjetë muajsh, kam preferuar të shkoj të festoj brenda”.

Tutje ai thuri lëvdata për lojtarët e tij që sipas tij kanë qenë si një familje.

“Futbollistët janë arkitektët e mëdhenj të kësaj Lige, është një titull që na jep stabilitet për të besuar në projekt, kemi qenë një ekip, një familje, në një Ligë që ka ka qenë fantastike”, përfundoi ai./Lajmi.net/