Sipas të përditshmes spanjolle “El Confidencial”, ardhja e David de Geas në Real Madrid, do të përcillet me largimin e kapitenit Iker Casillas.

Tashmë një kohë të gjatë, Los Blancos janë të interesuar për portierin e Manchester Unitedit.

Andaj, sipas njoftimeve të fundit, ardhja e De Geas në Santiago Bernabeu do ta largojë nga klubi legjendën Casillas.

Ikona e gjigantit madrilen është kritikuar shpeshherë në sezonet e fundit për nivelin e paraqitjeve të tij ndërsa De Gea konsiderohet si pasardhës ideal për të.

Mirëpo, largimi i tij nga Manchester United nuk do të jetë aspak i lehtë. Red Devils i kanë përgatitur një kontratë të re për t’i heshtur zërat rreth transferimit të tij në Madrid.