Vinicius: Nuk më intereson sa më paguajnë, dua të qëndrojë te Reali
Sulmuesi i Real Madridit, Vinicius Junior ka dhënë informacionet e fundit për rinovimin e mundshëm të kontratës.
Sport
Raportohet në media, që Reali do nis diskutimet me brazilianin për të vazhduar kontratën, pavarësisht që ka edhe tre vite tjera të mbetura, transmeton lajmi.net.
I pyetur për rinovimin e kontratës, Vinicius tha se dëshiron të qëndrojë dhe nuk i intereson se sa e paguajnë.
“Rinovimi i kontratës? Ata ende nuk me kanë thënë asgjë, kontrata ime skadon në vitin 2024 dhe ende ka kohë. Jam shumë i qetë, dua të qëndrojë dhe nuk më intereson sa më zgjasin ose sa më paguajnë”.
“Çfarë ka rëndësi për mua është lumturia që jam pjesë e klubit më të mirë në botë”, deklaroi ai.
Ndërkohë, Vinicius është duke kaluar formën më të mirë të karrierës, por çuditërisht nuk u ftua për ndeshjet e nëntorit te Kombëtarja e Brazilit./Lajmi.net